எலச்சிபாளையம்;எலச்சிபாளையத்தில் உள்ள, கண்ணனுார் மாரியம்மன் கோவிலில் கடந்த ஏப்., 30 இரவு பூச்சாட்டுதலுடன் திருவிழா தொடங்கியது. கடந்த, 3ம் தேதி பூவோடு எடுக்கப்பட்டது. 8 ம்தேதி மாலை விளக்கு பூஜை செய்து, அம்மன் சிறப்பு அலங்காரத்தில் அருள்பாலித்தார். நேற்று காலை பொங்கல் வைத்தல், பால்குடம், தீர்த்தக்குடம், அக்னிகரகம் எடுத்தல், கிடாவெட்டுதல், மாவிளக்கு பூஜை, நையாண்டி மேளம், குறவன்குறத்தி ஆட்டம், வாணவேடிக்கை உள்ளிட்ட பல்வேறு நிகழ்சிகள் நடந்தன.