பள்ளிப்பாளையம்:நாமக்கல் மாவட்டம், பள்ளிப்பாளையம் அருகே, காடச்சநல்லுார் பஞ்சாயத்துக்கு உட்பட்ட தாஜ்நகரில் ஏராளமான மக்கள் வசிக்கின்றனர். இப்பகுதி மக்களுக்கு பஞ்சாயத்து சார்பில் குடிநீர் வினியோகம் செய்யப்படுகிறது. இதற்காக அப்பகுதியில் சிறிய அறையில் மின் மோட்டார் வைக்கப்பட்டிருந்தது. நேற்று இரவு, மர்ம நபர்கள் இந்த அறையின் கதவை உடைத்து மோட்டாரை திருடிச் சென்றுள்ளனர். இதனால் அப்பகுதி மக்களுக்கு குடிநீர் வினியோகம் பாதிக்கப்பட்டுள்ளது.