6 தொகுதிகளில் 43,982 பேர் விண்ணப்பம்

நாமக்கல், நவ. 26-

நாமக்கல் மாவட்டத்தில், ராசிபுரம், சேந்தமங்கலம், நாமக்கல், ப.வேலுார், திருச்செங்கோடு, குமாரபாளையம் என, 6 சட்டசபை தொகுதிகள் உள்ளன.

கடந்த, 29ல் வெளியிட்ட வரைவு வாக்காளர் பட்டியல்படி, மொத்தம், 14 லட்சத்து, 49,018 வாக்காளர்கள் உள்ளனர். தேர்தல் ஆணைய உத்தரவுப்படி, வாக்காளர் பட்டியல் சிறப்பு சுருக்கமுறை திருத்த முகாம், மாவட்டத்தில், 6 சட்டசபை தொகுதிகளில் உள்ள மொத்தம், 1,629 ஓட்டுச்சாவடி மையங்களிலும், கடந்த, 16, 17ல் நடந்தது.

இந்த சிறப்பு முகாமில், 6 சட்டசபை தொகுதிகளையும் சேர்த்து மொத்தமாக, வாக்காளர் பட்டியலில் பெயர் சேர்க்க, 7,886 பேர், நீக்கம் செய்ய, 4,698 பேர், திருத்தம் செய்ய, 6,241 பேர் என, மொத்தம், 18,828 பேர் விண்ணப்பம் செய்திருந்தனர்.

இதேபோல், நேற்று, நேற்று முன்தினம் என, வாக்காளர் பட்டியலில் திருத்தம் செய்ய சிறப்பு முகாம் நடத்தப்பட்டது. இதில், வாக்காளர் பட்டியலில் பெயர் சேர்க்க, 7,173 பேர், நீக்கத்திற்கு, 9,741 பேர், திருத்தம் செய்ய, 8,238 பேர் என, மொத்தம், 25,154 பேர் விண்ணப்பித்துள்ளனர்.

நாமக்கல் மாவட்டத்தில் உள்ள, ஆறு சட்டசபை தொகுதிகளிலும், நான்கு நாட்கள் நடந்த வாக்காளர் பட்டியல் சிறப்பு சுருக்கமுறை திருத்த முகாம், பெயர் சேர்க்க, நீக்க, திருத்தம் செய்ய என, மொத்தம், 43,982 பேர் விண்ணப்பித்துள்ளனர் என்பது குறிப்பிடத்தக்கது.