நாமக்கல்: நாமக்கல்-மோகனுார் சாலையில், பிரசித்தி பெற்ற ஐயப்பன் கோவில் உள்ளது. இக்கோவிலின், 60ம் ஆண்டு மண்டல பூஜை விழா கோலாகலமாக நடந்து வருகிறது. இதையொட்டி, தினமும் சிறப்பு அபிஷேகம், ஆராதனை, சிறப்பு பூஜை, கலை நிகழ்ச்சிகள் நடத்தப்படுகிறது. இதன் தொடர்ச்சியாக, நேற்று நடந்த மண்டல பூஜை விழாவில், பக்தர்கள் வழங்கிய நெய்யை கொண்டு, உற்சவர் மற்றும் மூலவர் ஐயப்பன் சுவாமிக்கு நெய்யபிஷேகம் செய்யப்பட்டது.