பள்ளிப்பாளையம் நகர்மன்ற கூட்டம், நேற்று நகராட்சி தலைவர் செல்வராஜ் தலைமையில் நடந்தது. அப்போது, அ.தி.மு.க., கவுன்சிலர்கள் வெளிநடப்பு செய்தனர். இதுகுறித்து, அ.தி.மு.க., கவுன்சிலர் செந்தில் கூறுகையில், ''முன்னாள் அமைச்சர் தங்க-மணி நிதி ஒதுக்கி, 60 லட்சம் ரூபாயில் பள்ளிப்பாளையம் பஸ் ஸ்டாண்டில் மேற்கூரை அமைக்கப்பட்டது. பாலம் கட்டும் பணியின் போது, மேற்கூரை அகற்றப்பட்டது. பணி முடிந்து மீண்டும் மேற்கூரை அமைக்க வேண்டும் என, பலமுறை நக-ராட்சி நிர்வாகத்திடம் தெரிவித்தும் அமைக்கவில்லை.

இதனால் பயணிகள் வெயில், மழையில் அவதிப்படுகின்றனர். அரசியல் காழ்ப்புணர்ச்சி காரணமாக அமைக்கவில்லை. இதை கண்டித்து வெளிநடப்பு செய்கிறோம்,'' என்றார். 10 நிமிடம் கழித்து மீண்டும் மன்ற அரங்கிற்கு வந்து கூட்டத்தில் கலந்து-கொண்டனர்.

தொடர்ந்து நடந்த விவாதம் வருமாறு:

கோபாலகிருஷ்ணன், அ.தி.மு.க., கவுன்சிலர்: வார்டு தோறும் நகரசபை கூட்டம் நடந்தது. கூட்டத்தில் தரப்பட்ட மனுக்கள் மீது என்ன நடவடிக்கை எடுக்கப்பட்டுள்ளது.

சரவணன், அ.தி.மு.க., கவுன்சிலர்:

பெரியார் நகர் பகுதியில் கும்பலாக பலர் அமர்ந்து தினமும் மது குடிக்கின்றனர். மது பாட்டிலை சாலையில் போட்டு உடைக்கின்-றனர். மக்களுக்கு பாதுகாப்பு இல்லாத நிலை ஏற்பட்டுள்ளது.

செல்வராஜ், நகராட்சி தலைவர்: கவுன்சிலர்கள் வார்டு குறித்து தெரிவிக்கும் புகார்கள் மீது அதிகாரிகள் உடனடி நடவடிக்கை எடுக்க வேண்டும். வார்டுகளில் சேதமடைந்த சாலைகள் சீரமைக்-கப்படும். நகர சபை கூட்டத்தில் பெறப்பட்ட மனுக்கள், மக்கள் தெரிவித்த கோரிக்கை மீது தொடர்ந்து நடவடிக்கை எடுக்கப்-பட்டு வருகிறது. நாய் தொல்லையை கட்டுப்படுத்த நடவடிக்கை எடுக்கப்படும். பெரியார் நகரில், 'குடி'மகன்கள் வராதபடி அப்ப-குதியில் பாதுகாப்பு வேலி அமைக்கப்படும். நோய் எதிர்ப்பு சக்தி அதிகரிக்கும் வகையில், அனைத்து வார்டுகளிலும் நிலவேம்பு கசாயம் வழங்கப்படும்.

இவ்வாறு விவாதம் நடந்தது.