இக்கோவில் திருப்பணி, மிகுந்த பொருட்செலவில் மேற்கொள்ளப்பட்டது. திருப்பணிகள் அனைத்தும் முடிந்த நிலையில், வரும், 16ல் கும்பாபிஷேகம் நடந்த விழாக்குழுவினர் முடிவு செய்தனர்.

கடந்த, 30ல் முகூர்த்தக்கால் நடப்பட்டு, கங்கனம் கட்டி, முளைப்பாரி போடப்பட்டது. தொடர்ந்து, நேற்று இரவு, 9:00 மணிக்கு, புண்யாக வாசனம், கிராம சாந்தி பூஜை நடந்தது.

இன்று காலை, 9:00 மணிக்கு, கணபதி, லட்சுமி ஹோமம், பிரசாதம் வழங்குதல், மாலை, 4:25 மணிக்கு, வாஸ்து சாந்தி, பிரவேச பலி, தீபாராதனை, நாளை காலை, 6:30 மணிக்கு கோ பூஜை, காவிரி ஆற்றுக்கு தீர்த்தம் எடுக்க செல்லுதல், மாலை, 4:30 மணிக்கு, கும்பலங்காரம், யாகசாலை பிரவேசம் நடக்கிறது.

வரும், 15 காலை, 7:30 மணிக்கு, இரண்டாம் கால யாகம், இரவு, 9:30 மணிக்கு, அஷ்ட பந்தன மருந்து சாற்றுதல் நிகழ்ச்சி நடக்கிறது. வரும், 16 அதிகாலை, 5:30 மணிக்கு, யாக மண்டப பூஜை, நாடி சந்தானம், காலை, 6:00 மணிக்கு, வீட்டு கோவில் கும்பாபிஷேகம் நடக்கிறது.

தொடர்ந்து, காலை, 9:00 மணிக்கு, காட்டுக்கோவில் கும்பாபிஷேகம் நடக்கிறது. அதையடுத்து, சுவாமி தரிசனம், பிரசாதம் வழங்குதல் நிகழ்ச்சி நடக்கிறது. ஏற்பாடுகளை, குறும்பகவுண்டர் உதயகுலம் பங்காளிகள் மற்றும் விழாக்குழுவினர் செய்துள்ளனர்.