சேந்தமங்கலம்: நாமக்கல் மாவட்டத்தில் கொல்லிமலை சுற்றுலா தலமாக உள்ளது. இங்கு, கடந்த வாரம் வங்க கடலில் உருவான, 'பெஞ்சல்' புயலால் கனமழை கொட்டி தீர்த்தது. இந்த மழையால், அனைத்து அருவிகளிலும் காட்டாற்று வெள்ளம் ஏற்பட்டதால், மரங்கள், பாறைகள் தண்ணீரில் அடித்து வந்ததுடன், மண் அரிப்பு ஏற்பட்டு தண்ணீர் செந்நிறத்தில் கொட்டியது. இதனால், அங்குள்ள ஆகாய கங்கை நீர்வீழ்ச்சி, மாசிலா அருவி, நம்மருவிகளில் சுற்றுலா பயணிகள் குளிக்க வனத்துறையினர் தடை விதித்திருந்தனர்.