பருத்தி வர்த்தகம்

மல்லசமுத்திரம், அக். 24-

திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் மல்லசமுத்திரம் கிளையில், வாரந்தோறும் புதன்கிழமை பருத்தி ஏலம் நடக்கிறது. இதில், மேல்முகம், மங்களம், மாமுண்டி, குருக்கலாம்பாளையம், செண்பகமாதேவி உள்ளிட்ட பகுதிகளை சேர்ந்த விவசாயிகள், பருத்தி மூட்டைகளாக கொண்டுவந்து விற்பனை செய்து வருகின்றனர்.

அதன்படி, நேற்று நடந்த பருத்தி ஏலத்தில், மொத்தம், 170 மூட்டைகளை விவசாயிகள் விற்பனைக்கு கொண்டு வந்திருந்தனர். இதில், பி.டி., ரகம் குவிண்டால், 7,090 ரூபாய் முதல், 7,760 ரூபாய்; கொட்டு பருத்தி, 3,890 ரூபாய் முதல், 5,110 ரூபாய் என, 3.50 லட்சம் ரூபாய்க்கு பருத்தி ஏலம் நடந்தது. அடுத்த ஏலம் வரும், 30ல் நடக்கிறது.