நாமக்கல் மாவட்டம், பள்ளிப்பாளையத்தில், 100க்கும் மேற்பட்ட ரயான் நுால் உற்பத்தி நுாற்பாலைகள் இயங்கி வருகின்றன. சில மாதங்களாக நுால் விலை குறைவால், ரயான் நுால் உற்பத்தி நுாற்-பாலைகள் கடும் நஷ்டத்தை சந்தித்து வருகின்றன. இந்நிலையில், நேற்று முன்தினம் மாலை, இந்திய செயற்கை இழை உற்பத்தியா-ளர்கள் சங்க கூட்டம், பள்ளிப்பாளையத்தில் நடந்தது. இதில், நுாற்பாலை அதிபர்கள் பலர் கலந்து கொண்டனர்.இதுகுறித்து, சங்க தலைவர் ரமேஷ், செயலாளர் சுரேஷ், பொரு-ளாளர் பிரசாத் ஆகியோர் கூறியதாவது:ரயான் நுால் கிலோ, 205 ரூபாய்க்கு விற்பனை செய்யப்பட்டது. தற்போது கிலோ, 190 ரூபாய்க்கு விற்பனை செய்யப்படுகிறது. சந்தை சூழ்நிலை மற்றும் குறைந்த தேவை ஆகியவற்றால், உற்-பத்தி விலைக்கும் குறைவாக, நுாலை விற்க வேண்டிய கட்டா-யத்தில் உள்ளோம். இதனால், கடும் நஷ்டத்தை சந்தித்து வரு-கிறோம். உற்பத்தி செய்யும் நுால்களுக்கு, குறைந்தபட்ச விலையை பெறுவதற்காகவும், தேவையை பூர்த்தி செய்வதற்கா-கவும், நேற்று முன்தினம் முதல் இம்மாதம் இறுதி வரை, இரண்டு வாரங்களுக்கு, ரயான் நுால் உற்பத்தியில், 33 சதவீதம் குறைக்க ஒருமனதாக முடிவு செய்யப்பட்டுள்ளது. உற்பத்தி குறைப்பால், சந்தையில் நாளொன்றுக்கு, 200 முதல், -250 டன் நுால் பற்றாக்குறை ஏற்படும். இவ்வாறு அவர்கள் கூறினர்.