தமிழ்நாடு அரசு அனைத்துத்துறை ஓய்வூதியர்கள் சங்க, 5வது மாவட்ட மாநாடு, நாமக்கல்லில் நேற்று நடந்தது. மாவட்ட தலைவர் இளங்கோவன் தலைமை வகித்தார்.

துணைத்தலைவர் கோபாலகிருஷ்ணன் வரவேற்றார். மாவட்ட தலைவர் ராமசாமி, செயலாளர் குப்புசாமி ஆகியோர் முன்னிலை வகித்தனர். மாநில செயலாளர் காளியப்பன், மாவட்ட தலைவர் கருப்பன் ஆகியோர் சிறப்பு அழைப்பாளர்களாக பங்கேற்று கோரிக்கை குறித்து விளக்கி பேசினர்.மாநாட்டில், தி.மு.க., அரசு தேர்தல் கால வாக்குறுதிகளை நிறைவேற்ற வேண்டும். 70 வயது நிறைவடைந்த ஓய்வூதியர்கள், குடும்ப ஓய்வூதியர்கள் அனைவருக்கும், 10 சதவீதம் கூடுதல் ஓய்வூதியம் வழங்க வேண்டும். புதிய ஓய்வூதிய திட்டத்தை ரத்து செய்ய வேண்டும். மத்திய அரசு வழங்கியதுபோல், குறைந்தபட்ச ஓய்வூதியம், 9,000 ரூபாய், சத்துணவு, அங்கன்வாடி ஊழியர், வி.ஏ.ஓ., கிராம பஞ்., செயலாளர்கள், மக்கள் நலப்பணியாளர்கள் உள்ளிட்டோருக்கு வழங்க வேண்டும். மருத்துவ காப்பீட்டு திட்டத்தை அமல்படுத்த வேண்டும்.

ஊதியக்குழுவின் பரிந்துரைகளிலிருந்து நீக்க வைக்கும் மத்திய அரசின் நிதி மசோதாவை ரத்து செய்ய வேண்டும். ரயிலில், மூத்த குடிமக்களுக்கு, பயண கட்டண சலுகை மீண்டும் வழங்க வேண்டும். ஓய்வூதியர், குடும்ப ஓய்வூதியர் அனைவருக்கும் மருத்துவ காப்பீடு திட்ட அட்டை புகைப்படத்துடன் வழங்க வேண்டும் என்பன உள்பட பல்வேறு தீர்மானங்கள் நிறைவேற்றப்பட்டன.