இந்நிலையில், நேற்று குமாரபாளையம் தொகுதி, வடக்கு ஒன்றிய தி.மு.க., சார்பில் பாக முகவர்கள் ஆலோசனை கூட்டம் நடந்தது. ஒன்றிய பொறுப்பாளர் நாச்சிமுத்து தலைமை வகித்தார். மாவட்ட தி.மு.க., பொறுப்பாளர் மூர்த்தி, குமாரபாளையம் தொகுதி பார்வையாளர் செல்வம், மாநில விவசாய அணி துணை செயலர் செல்வராஜ், உள்பட பலர் பேசினர். அப்போது, குமாரபாளையம் தொகுதி பார்வையாளர் செல்வன் பேசுகையில், ''நாம் வெற்றி பெறுவது மிகவும் எளிது. நம் கட்சி ஜெயலலிதாவை வெற்றி கண்ட கட்சி. அப்படியிருக்க, இந்த குமாரபாளையம் தொகுதியை வெல்வது கடினமா? இந்த முறை குமாரபாளையம் தொகுதியை, தி.மு.க. கைப்பற்றுவது உறுதி,'' என்றார்.