நாமக்கல், :நாமக்கல்லில், தேசிய முட்டை ஒருங்கிணைப்புக்குழு கூட்டம், நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து, 555 காசுக்கு விற்ற முட்டை விலை, 20 காசு குறைத்து, 535 காசாக நிர்ணயம் செய்யப்பட்டது. வடமாநிலங்களில், நாளை முதல் ஸ்ரவண விரதம் கடைப்பிடிக்க உள்ளதால், அங்கு முட்டை நுகர்வு சரிந்துள்ளது. இதனால் நாமக்கல் மண்டலத்தில் முட்டை விலையை குறைத்துள்ளனர். மூன்று நாட்களில், 40 காசு சரிந்துள்ளது குறிப்பிடத்தக்கது.