தேசிய முட்டை ஒருங்கிணைப்புக்குழு (நெக்), தினசரி பண்ணைகளில் ரொக்க விற்பனைக்கு, மைனஸ் இல்லாத முட்டை விலையை அறிவித்து வருகிறது. அதை பண்ணையாளர்கள் கடைப்பிடித்து வருகின்றனர். கடந்த, 1ல், 520 காசுகளாக இருந்த முட்டை விலை படிப்படியாக உயர்ந்து, கடந்த, 15ல் ஒரு முட்டை விலை, 550 காசாக நிர்ணயிக்கப்பட்டது. கடந்த ஒரு வாரமாக முட்டை விலை மாற்றமில்லாமல் இருந்தது. இந்நிலையில், நேற்று, 10 காசு குறைக்கப்பட்டு, 540 காசாக நிர்ணயிக்கப்பட்டது.முக்கிய நகரங்களில் முட்டை விலை காசுகளில் நிலவரம்: சென்னை, 610, பர்வாலா, 525, பெங்களூரு, 580, டில்லி, 532, ஐதராபாத், 534, மும்பை, 594, மைசூரு, 600, விஜயவாடா, 525, ஹொஸ்பேட், 540, கோல்கட்டா, 560 காசு என்ற விலையில் விற்பனை செய்யப்பட்டது.