நாமகிரிப்பேட்டை, மழைக்காலத்தில் தான் தொற்று நோய் அதிகளவு பரவுகிறது. முக்கியமாக மழைநீர் தேங்கி நிற்கும் சிரட்டை, டயர், உரல், பிளாஸ்டிக் டப்பா உள்ளிட்டவைகளில் கொசு உற்பத்தியாகிறது. நல்ல நீரில் உருவாகும் கொசு மூலம் தான் டெங்கு உள்ளிட்ட காய்ச்சல்கள் மனிதர்களுக்கு ஏற்படுகிறது. இதனால், சுகாதாரத்துறையினர் மழைக்காலங்களில் முன்னெச்சரிக்கை நடவடிக்கையில் ஈடுபடுவர். அதன்படி, நேற்று நாமகிரிப்பேட்டை டவுன் பஞ்.,ல் சுகாதாரத்துறையினர், ஊழியர்கள் வீடு வீடாக சென்று சோதனையிட்டனர்.