சேந்தமங்கலம்: சேந்தமங்கலம் அரசு கலைக் கல்லுாரி முதல்வர் பாரதி வெளியிட்ட செய்திக்குறிப்பு:நடப்பு, 2025-26ம் கல்வியாண்டிற்கான மாணவர் சேர்க்கை கலந்தாய்வு, கடந்த, 2 முதல் நடந்து வருகிறது. பிளஸ் 2 தேர்வில் பெற்ற மதிப்பெண் அடிப்படையில், தேதி வாரியாக அழைக்கப்பட்டு கலந்தாய்வு மூலம் சேர்க்கை வழங்கப்பட்டுள்ளது. தற்போது தமிழ் துறையில், 33, ஆங்கிலம், 52, வணிகவியல், 24, தாவரவியல், 30, கணினி அறிவியல் துறையில், 15 என மொத்தம், 154 இடங்கள் காலியாக உள்ளன.