தொடர்ந்து அவர் பேசுகையில், ''குழந்தைகள் விடுமுறை நாட்களில் ஜவகர் சிறுவர் மன்றத்திற்கு பெற்றோர் அனுப்பி வைத்து, ஆக்கப்பூர்வமான திறமைகளை வளர்த்துக்கொள்ள வழிவகை செய்ய வேண்டும். குழந்தைகள் மன ஒருமைப்பாடு, தனித்திறமை வெளிப்பட வாய்ப்பாக ஜவகர் சிறுவர் மன்றம் திகழும். ஜவகர் சிறுவர் மன்றத்தில் பங்கேற்று பரிசு மற்றும் பாராட்டு பெறும் குழந்தைகள், வரும் காலத்தில் சிறந்த ஆளுமை உள்ளவர்களாக திகழ்வர்,'' என்றார்.

மாவட்ட அளவில் முதலிடம், மாநில அளவில் இரண்டாம் இடம் பெற்ற மாணவி ஆல்டியாவுக்கு பரிசு வழங்கப்பட்டது. டில்லி தேசிய பாலபவனில் நடக்கும் குழந்தைகள் தினவிழா முகாமிற்கு செல்லும், ஜவகர் சிறுவர் மன்ற மாணவர்கள் முகேஸ்குமார், முகேஸ், ஸ்ரீசாய் உமாராஜ், ரித்தீஸ், பாதுகாவலராக செல்லும் ஓவிய ஆசிரியர் வெங்கடேஷ் ஆகியோரை துறை இயக்குனர் காந்தி வாழ்த்தினார்.

திட்ட அலுவலர் தில்லை சிவக்குமார், கிராமிய நடன ஆசிரியர் பாண்டியராஜன், பரதநாட்டிய ஆசிரியர் தேவயானி, தற்காப்பு கலை ஆசிரியர் ராமச்சந்திரன், சரவணன், ஓவிய ஆசிரியர் விஜயகுமார், வெங்கடேஷ் உள்பட பலர் பங்கேற்றனர்.