கரூர் மாவட்ட அ.தி.மு.க., சார்பில் நடந்த விழாவில், மாவட்ட செயலரும், முன்னாள் அமைச்சருமான விஜயபாஸ்கர் தலைமையில், அக்கட்சியினர் லைட் ஹவுஸ் கார்னர் பகுதியில் உள்ள முன்னாள் முதல்வர் ஜெயலலிதா சிலைக்கு, மாலை அணிவித்தனர். இதையடுத்து, முன்னாள் முதல்வர்கள் அண்ணாதுரை, எம்.ஜி.ஆர்., சிலைகளுக்கு மாலை அணிவிக்கப்பட்டது. பின் பொதுமக்களுக்கு லட்டு வழங்கப்பட்டது. விழாவில், மாநில அமைப்பு செயலர் சின்னசாமி, மாவட்ட அவைத் தலைவர் திருவிகா, பாசறை செயலர் கமலக் கண்ணன், இளைஞர் அணி செயலர் தானேஷ் முத்துக்குமார், கரூர் பஞ்., யூனியன் தலைவர் பாலமுருகன் உள்பட பலர் பங்கேற்றனர்.

* கரூர் மாவட்ட முன்னாள் முதல்வர் பன்னீர் செல்வம் அணி சார்பில், மேற்கு மாவட்ட செயலர் ரமேஷ் தலைமையில், மனோகரா கார்னில் ஜெயலலிதா உருவப்படத்துக்கு மாலை அணிவிக்கப்பட்டது. பிறகு, பொதுமக்களுக்கு இனிப்பு வழங்கப்பட்டது. விழாவில், மாநில பாசறை துணை செயலர் லோகநாதன், மாவட்ட அவைத்தலைவர் கணேசன், மாணவர் அணி செயலர் மாரி, மத்திய நகர செயலர் ஜானகி, துணை செயலர் ஓம்சக்தி சேகர் உள்பட பலர் பங்கேற்றனர்.

* கிருஷ்ணராயபுரம் ஒன்றியத்திற்கு உட்பட்ட கட்டளை, மாயனுார், மணவாசி, திருக்காம்புலியூர், லாலாப்பேட்டை, பஞ்சப்பட்டி, பாப்பகாப்பட்டி, வேங்காம்பட்டி, வல்லம், கள்ளப்பள்ளி, கொடிக்கால் தெரு, சிந்தலவாடி ஆகிய இடங்களில், அ.தி.மு.க., சார்பில் மறைந்த முன்னாள் முதல்வர் ஜெய

லலிதா பிறந்தநாள் விழாவை முன்னிட்டு, அவரது படத்திற்கு மாலை அணிவித்து மரியாதை செலுத்தப்பட்டது. கிஷ்ணராயபுரம் அ.தி.மு.க., மேற்கு ஒன்றிய செயலர் பாரி, கிருஷ்ணராயபுரம் கிழக்கு ஒன்றிய செயலர் இளங்

குமாரன் மற்றும் நிர்வாகிகள் கலந்து கொண்டனர்.

* அரவக்குறிச்சி ஏவிஎம் கார்னர், பள்ளப்பட்டி பஸ் ஸ்டாண்ட், அண்ணா நகர், தடாகோவில் உள்ளிட்ட இடங்களில், ஜெயலலிதாவின் பிறந்தநாளை முன்னிட்டு, அவரது திருவுருவ படத்திற்கு அ.தி.மு.க., நிர்வாகிகள், தொண்டர்கள் மாலை அணிவித்து மரியாதை செலுத்தினர். அரவக்குறிச்சி நகர செயலர் இளமதி, அரவக்குறிச்சி கிழக்கு ஒன்றிய செயலர் கலையரசன், அரவக்குறிச்சி மேற்கு ஒன்றிய செயலர் ஈஸ்வரமூர்த்தி, பள்ளப்பட்டி நகர செயலர் சாதிக் அலி மற்றும் பலர் கலந்து கொண்டனர்.

* குளித்தலை சுங்ககேட்டில், ஜெயலலிதாவின் பிறந்த நாளை முன்னிட்டு, யூனியன் குழு தலைவரும், ஒன்றிய செயலருமான விஜய வினாயகம் தலைமையில், அவருடைய திருஉருவப்படத்திற்கு மலர் துாவி அஞ்சலி செலுத்தினர். பின் உறுதி மொழி ஏற்றனர். பொது மக்களுக்கு இனிப்பு வழங்கப்பட்டது.