பள்ளிப்பாளையம் கடத்தல் கும்பலிடம் பாதிக்கப்பட்ட ஜார்கண்ட் தொழிலாளர்களை, வெப்படை போலீசார் அனுப்பி வைத்தனர்.ஜார்கண்ட் மாநிலம், தஸ்தாரா சமன்பூர் கிராமத்தை சேர்ந்த இர்பான் அன்சாரி, 20, ஜாகீர் அன்சாரி 18, அர்பாஜ் அன்சாரி, 18, இர்சாத் அன்சாரி, 18, கிஷ்மத் அன்சாரி, 30, உல்பத் அன்சாரி, 20, ஆகிய ஆறு பேரும் வேலை தேடி சேலத்துக்கு ரயிலில் கடந்த 21ம் தேதி வந்துள்ளனர். ரயில் நிலையத்தில் இருந்த இவர்களிடம், ஒருவர் வந்து பள்ளிப்பாளையம் அருகே வெப்படையில் உள்ள நுாற்பாலையில் வேலை உள்ளது. தங்குமிடம் கொடுத்து, மூன்று வேளை உணவுடன், 8 மணி நேரம் வேலை, மாதம் ரூ.25 ஆயிரம் சம்பளம் என தெரிவித்துள்ளார். இதை நம்பிய ஆறு பேரும், இவருடன் இரண்டு காரில், வெப்படை உப்புபாளையம் நவக்காடு பகுதியில் வந்துள்ளனர். அங்கு உள்ள ஒரு வீட்டில் ஆறு பேரும் அடைத்து வைக்கப்பட்டனர்.