காமராஜரின் உருவ படத்திற்கு பள்ளி தலைமை ஆசிரியர் பாரதி மற்றும் தனியார் தொண்டு நிறுவனத்தினர், நிர்வாகிகள் மலர் துாவி மரியாதை செலுத்தினர். தொடர்ந்து, குச்சிப்புடி, பரதநாட்டியம், விவசாயி வேடம், பொம்மலாட்டம் உள்ளிட்ட கலை நிகழ்ச்சிகள் நடந்தன.* குமாரபாளையம் நகர காங்., சார்பில், காமராஜர் பிறந்த நாள் விழா, கட்சி அலுவலகத்தில் கொண்டாடப்பட்டது. நகர தலைவர் ஜானகிராமன் தலைமை வகித்தார். பொதுமக்களுக்கு இனிப்பு, அன்னதானம் வழங்கப்பட்டது.* புதுச்சத்திரம் யூனியன், செல்லப்பம்பட்டி அரசு மேல்நிலைப்-பள்ளியில், கல்வி வளர்ச்சி நாள் கொண்டாடப்பட்டது. உதவி தலைமை ஆசிரியர் சுந்தரம் தலைமை வகித்தார். பெற்றோர் ஆசி-ரியர் கழக துணைத்தலைவர் முத்துராஜா, காமராஜர் உருவ படத்-திற்கு மாலை அணிவித்து மரியாதை செலுத்தினார்.* மல்லசமுத்திரம் அருகே, ராமாபுரம், பருத்திப்பள்ளி அரசு தொடக்கப்பள்ளியில், காமராஜர் நாடார் மகாஜன பேரவை சார்பில், அவரது உருவ படத்திற்கு மாலை அணிவித்து மரியாதை செலுத்தினர்.* பள்ளிப்பாளையம் அருகே, எஸ்.பி.பி., காலனி பகுதியில் செயல்படும் தனியார் காகித ஆலை மேல்நிலை பள்ளியில் காம-ராஜர் பிறந்த நாள் விழா, கல்வி வளர்ச்சி தினமாக கொண்டாடப்-பட்டது.* நாமக்கல் பஸ் ஸ்டாண்ட் எதிரே, நகராட்சி நேரு பூங்காவில் அமைந்துள்ள காமராஜர் சிலைக்கு, த.மா.கா., நகர கிளை சார்பில் மாலை அணிவித்து மரியாதை செலுத்தினர். இதேபோல், நாமக்கல் மாவட்டம் முழுவதும் உள்ள பள்ளிகள், அமைப்புகள் சார்பில் காமராஜர் பிறந்தநாள் விழா கொண்டாடப்பட்டது.