மாவட்ட தேர்தல் அலுவலர் உமா தலைமை வகித்தார். மத்திய தேர்தல் கமிஷன் பொதுப் பார்வையாளர் ஹர்குன்ஜித்கவுர், தேர்தல் செலவின பார்வையாளர் அர்ஜூன் பேனர்ஜி ஆகியோர் முன்னிலை வகித்தனர். கூட்டத்தில், வேட்பாளர்களுக்கு செலவின பதிவேடு பராமரிப்பது குறித்து விளக்கப்பட்டது. வேட்பாளர் ஒருவருக்கு, அதிகபட்ச செலவு உச்ச வரம்பு, 95 லட்சம் ரூபாய்.

ஏப்., 3, 10, 16 ஆகிய நாட்களில், அனைத்து வேட்பாளர்களும், தங்களது செலவின பதிவேட்டை தேர்தல் செலவின பார்வையாளரின் ஆய்வுக்கு, உரிய ஆதாரங்களுடன் சமர்ப்பிக்க வேண்டும். மனுத்தாக்கல் செய்த நாள் முதல், ஓட்டு எண்ணிக்கை முடியும் வரையிலான அனைத்து செலவுகளும், தகுந்த ஆதாரங்களுடன் முழுமையான கணக்கு இருக்க வேண்டும் என அறிவுறுத்தப்பட்டது.

டி.ஆர்.ஓ., சுமன், கலெக்டரின் நேர்முக உதவியாளர் மோகன்தாஸ், நாமக்கல் லோக்சபா தொகுதி வேட்பாளர்கள் மற்றும் வேட்பாளர்களின் பிரதிநிதிகள் உள்பட பலர் பங்கேற்றனர்.