ப.வேலுார்: ப.வேலுார் டவுன் பஞ்.,ல், 18 வார்டுகள் உள்ளன. தற்போது, பருவநிலை மாற்றத்தால் கொசு உற்பத்தி அதிகமாக உள்ளது. இதனால் பொதுமக்கள் கொசுக்கடியால் அவதிப்படுகின்றனர். இதனால், ப.வேலுார், வெட்டுக்காட்டு புதுார், காவேரி நகர் ஆகிய பகுதிகளிலும், ப.வேலுார் டவுன் பஞ்., முழுவதும் கொசு மருந்து அடிக்கும் பணியை செயல் அலுவலர் சண்முகம், நேற்று துவக்கி வைத்தார். துப்புரவு அலுவலர் செல்வகுமார், தலை-மையில் துப்புரவு பணியாளர்கள், சுகாதார பணியாளர்கள், டெங்கு காய்ச்சல் வராமல் தடுக்கும் வகையில் மருந்து தெளித்தும், கொசு ஒழிப்பு மருந்து அடிக்கும் நடவடிக்கையை மேற்கொண்டு வருகின்றனர்.