நாமக்கல், எருமப்பட்டி யூனியன், வரகூர் பஞ்.,ல் ஏராளமான குடியிருப்புகள் உள்ளன. இங்குள்ள பஸ் ஸ்டாப் அருகே, 300 மீ., தொலைவில் சாலையோரம் கழிவுநீர் குட்டை உள்ளது. இந்த குட்டையில், பஞ்., பகுதியில் இருந்து வெளியேற்றப்படும் கழிவுநீர் கலக்கிறது. மேலும், மழை காலங்களில், மழைநீரும் சேர்ந்து குளம்போல் தேங்கி நிற்கிறது. சாலையோரம் உள்ள குட்டையில் கழிவுநீர் தேங்கி நிற்பதால் துர்நாற்றம் வீசுவதுடன், சுகாதார சீர்கேடு ஏற்படுகிறது. மேலும், மழை காலங்களில், மழைநீரும், கழிவுநீர் சேர்ந்து, சாலையை சூழ்ந்து கொள்ளும். அப்போது அவ்வழியாக செல்லும் வாகன ஓட்டிகள் மிகுந்த சிரமத்துக்குள்ளாகின்றனர்.