நாமக்கல், நாமக்கல் மாநகராட்சிக்குட்பட்ட, 24வது வார்டு செல்லாண்டியம்மன் கோவில் அருகிலும், 36வது வார்டு, சந்தைப்பேட்டைபுதுார் ஆலமரம் அருகிலும், அங்கன்வாடி மையம் அமைக்க வேண்டும் என, எம்.பி., ராஜேஸ்குமாரிடம் அப்பகுதி மக்கள் கோரிக்கை விடுத்தனர். இதையடுத்து, தன் தொகுதி மேம்பாட்டு நிதியில் இருந்து, தலா, 16 லட்சம் வீதம், மொத்தம், 32 லட்சம் ரூபாய் நிதி ஒதுக்கீடு செய்தார். தொடர்ந்து, அடிக்கல் நாட்டப்பட்டு, பணிகள் முழுமையடைந்தன. இந்நிலையில், 24 மற்றும் 36வது வார்டுகளில் கட்டி முடிக்கப்பட்ட அங்கன்வாடி மைய கட்டடம் திறப்பு விழா நேற்று நடந்தது. எம்.எல்.ஏ., ராமலிங்கம், மாநகராட்சி மேயர் கலாநிதி துணை மேயர் பூபதி ஆகியோர் முன்னிலை வகித்தனர்.