மோகனுார் மோகனுார் தாலுகா, பேட்டப்பாளையம் பஞ்.,க்குட்பட்ட கீழபேட்டபாளையத்தில், முத்து மாரியம்மன் கோவில் உள்ளது. இக்கோவிலில் ஆண்டுதோறும், ஆனி மாதம் திருவிழா வெகுவிமரிசையாக கொண்டாடப்படுவது வழக்கம். இந்தாண்டு விழா, கடந்த, 29ல், காப்பு கட்டுதலுடன் தொடங்கியது. நேற்று முன்தினம் இரவு, 7:00 மணிக்கு, வடிசோறு வைத்து, அம்மனுக்கு படையல் வைக்கப்பட்டது. நேற்று காலை, 9:00 மணிக்கு, காவிரி ஆற்றுக்கு சென்ற பக்தர்கள், புனித நீராடி, தீர்த்தக்குடம், பால்குடம் எடுத்துக்கொண்டு, முக்கிய வீதிகள் வழியாக சென்று கோவிலை அடைந்தனர்.