ராசிபுரம்: நாமக்கல் ரைடர்ஸ் கிளப்பில், 20க்கும் மேற்பட்ட உறுப்பினர்கள் உள்ளனர். இவர்கள் கடந்த, இரண்டு ஆண்டுகளாக தொடர்ந்து சைக்கிள் ஓட்டி வருகின்றனர். நாமக்கல்லில் இருந்து ஈரோடு, கோவை, கரூர், கொல்லிமலை, ராசிபுரம் உள்ளிட்ட பகுதிகளுக்கு சைக்கிள் ஓட்டி வருகின்றனர். கடந்த, இரண்டு ஆண்டுகளில் உறுப்பினர்கள் அனைவரும் ஒன்று சேர்ந்து, ஒரு லட்சம் கி.மீ., துாரம் சைக்கிள் ஓட்டி சாதனை படைத்துள்ளனர். இவர்களது, இரண்டாம் ஆண்டு நிறைவு விழாவை கொல்லிமலை அடிவாரம் காரவள்ளியில் கொண்டாடினர்.