ஈஸ்வரமூர்த்திபாளையத்தில் வடபத்திரகாளியம்மன் கோவில் உள்ளது. இக்கோவிலில் பாதாள வராகி அம்மன், பிரத்தியங்கிராதேவி மற்றும் காளி ஈஸ்வரமூர்த்தி ஆலயங்கள் அமைந்துள்ளன. ஆங்கில புத்தாண்டை முன்னிட்டு, நவ சண்டி யாக பெருவிழா நேற்று முன்தினம் காலை, 9:00 மணியளவில் துவங்கியது. மாலை, 4:00 மணியளவில் பூர்வாங்க பூஜைகளுடன் மகா நவ சண்டி யாகம், லலிதா சகஸ்ரநாமம், தீபாராதனை மற்றும் 64 யோகினி பலி, பைரவ பலி ஆகியவை நடந்தன. பக்தர்களுக்கு பிரசாதம் வழங்கப்பட்டது.புத்தாண்டான நேற்று காலை, 5:00 மணியளவில் மகா நவ சண்டி யாக பெருவிழா, 13 அத்தியாய ஹோமம் நடந்தது. மதியம், 1:00 மணியளவில் கடம் புறப்பாடு, அன்னைக்கு மகா அபிஷேகம் மற்றும் கலசாபிஷேகம் நடந்தன. பக்தர்களுக்கு அன்னதானம் வழங்கப்பட்டது. திரளான பக்தர்கள் அம்மன் அருள் பெற்றனர்.