தொடர்ந்து, தேர்தல் குழு தலைவர் வேலு, சம்மேளனத்தின் முன்னாள் தலைவர் குமாரசாமி ஆகியோர், புதிய நிர்வாகிகளை நேற்று அறிவித்தனர். அதன்படி, தலைவராக தனராஜ், துணை தலைவர்களாக திருச்சி சுப்பு, கோவை செல்வராஜ், லோகநாதன், நிஜாத் ரகுமான், ராஜேந்திரன் ஆகியோர் போட்டியின்றி தேர்வு செய்யப்பட்டனர். இதேபோல், செயலாளராக சாத்தையா, இணை செயலாளர்களாக ஆறுமுகம், துரைசாமி, ராஜேஸ், விவேகானந்தன், கணேசன் ஆகியோரும், பொருளாளராக நந்தகோபாலும் போட்டியின்றி தேர்வு செய்யப்பட்டனர்.

லாரி உரிமையாளர்கள் சம்மேளனத்தின் தலைவராக மீண்டும் தேர்வு செய்யப்பட்ட தனராஜ் நிருபர்களிடம் கூறுகையில், ''போக்குவரத்து வட்டார அலுவலகத்தில் வாகன பதிவு சான்றிதழ்களை தபால் மூலம் கொடுப்பதை சம்பந்தப்பட்டவர்களிடம் நேரில் வழங்க வேண்டும். லாரிகளுக்கு ஆன்லைன் மூலம் அபராதம் விதிக்கப்பட்டு வருவது குறித்து தொடர்ந்து போராடி வருகின்றோம். அது தொடர்பாக தமிழக அரசிடம் முறையிடுவோம்,'' என்றார்.