துகிலியல் மற்றும் ஆடை வடிவமைப்பு துறைத்தலைவர் கிறிஸ்டி ஜெனிபர் அனைவரையும் வரவேற்றார். கல்லுாரி முதல்வர் விமல் நிஷாந் தலைமை வகித்து, நிகழ்ச்சியை தொடங்கி வைத்தார். கல்லுாரியின் உள்தர மதிப்பீட்டு பிரிவின் சிறப்பு ஒருங்கிணைப்பாளர் சங்கர் முன்னிலை வகித்தார்.

உதவிப்பேராசிரியை அமுதா, சிறப்பு விருந்தினர் மற்றும் பயிலரங்க பயிற்றுனரை அறிமுகம் செய்தார். கோவை பி.எஸ்.ஜி., கல்லுாரியின் நாகரிக தொழில் நுட்பவியல் துறை உதவிப்பேராசிரியர் சந்திரசேகரன், ஜவுளி தன்மை மேம்பாட்டு செயலாக்கம் குறித்தும், ஜவுளி செயலாக்கத்தில் புதுமையை புகுத்துதல் குறித்தும் பேசினார்.

துகிலியல் மற்றும் ஆடை வடிவமைப்பு துறையை சேர்ந்த, 120-க்கும் மேற்பட்ட மாணவர்கள் கலந்துகொண்டனர். உதவிப்பேராசிரியர் பிரியதர்ஷினி நன்றி தெரிவித்தார்.

ஏற்பாடுகளை உதவிப்பேராசிரியர் ரமாபிரியா செய்திருந்தார்.