ப.வேலுார் ;நாமக்கல் மாவட்டம், ப.வேலுார் டவுன் பஞ்.,ல், 18 வார்டுகள் உள்ளன. தி.மு.க., கவுன்சிலர் லட்சுமி தலைவராகவும், துணைத்தலைவராக ராஜாவும், செயல் அலுவலராக மூவேந்திர பாண்டியனும் உள்ளனர். கவுன்சிலர்கள் இடையே கருத்து வேறுபாடால், கடந்த, இரண்டு மாதமாக மன்ற கூட்டம் நடக்காமல் இருந்தது. இந்நிலையில், அதிருப்தி கவுன்சிலர்களிடம், செயல் அலுவலர் மூவேந்திர பாண்டியன் பேச்சுவார்த்தை நடத்தினார். இதில் உடன்பாடு ஏற்பட்டதால், கவுன்சிலர்களிடையே உள்ள பிரச்னைக்கு முற்றுப்புள்ளி வைக்கப்பட்டது.