நாமக்கல் மாவட்டம், நாமகிரிப்பேட்டை, முள்ளுக்குறிச்சி அருகே தனியார் பள்ளி செயல்பட்டு வருகிறது. இப்பள்ளியில், தம்மம்பட்டியை சேர்ந்த 17 வயது மாணவன் கணினி பாடப்பி-ரிவில், பிளஸ் 1 படித்து வருகிறார். நேற்று முன்தினம், பிளஸ் 1, பிளஸ் 2 வகுப்பு மாணவர்களுக்கு, சிறப்பு வகுப்பு நடந்துள்ளது. அப்போது, அந்த மாணவன், முன்பக்க இருக்கையில் கால்களை நீட்டி வைத்து துாங்கி கொண்டிருந்துள்ளார்.

இதைப்பார்த்த தாளாளர் தனபாலின் மகன் நவீன், 37, மாணவனை அழைத்து கண்டித்தபோது அடித்துள்ளார். இதில், மாணவனின் கை, கால்-களில் காயம் ஏற்பட்டதால், முள்ளுக்குறிச்சி ஆரம்ப சுகாதார நிலையத்தில் சிகிச்சை பெற வைத்துள்ளனர். பின், மாணவனின் பெற்றோருக்கு போன் செய்து, 'உங்கள் மகன் தவறு செய்து விட்டான்; அழைத்து கண்டிக்கும்போது சிறிய காயம் ஏற்பட்டு-விட்டது; நேரில் வந்து அழைத்துச்செல்லுங்கள்' என, பள்ளி நிர்-வாகத்தில் இருந்து தெரிவித்துள்ளனர். இதையடுத்து, நேற்று முன்தினம் மாலை, 6:00 மணிக்கு வந்த பெற்றோர், இரவு, 8:30 மணிக்கு மாணவனை அழைத்து சென்றுள்ளனர்.இந்நிலையில், நேற்று காலை பள்ளிக்கு வந்த பிளஸ் 1, பிளஸ் 2 மாணவர்கள் மற்றும் பெற்றோர், தாளாளர் மகன் மீது நடவ-டிக்கை எடுக்கக்கோரி, முள்ளுக்குறிச்சி பிரதான சாலையில் மறி-யலில் ஈடுபட்டனர். ராசிபுரம் டி.எஸ்.பி., விஜயராகவன் தலை-மையில், ஆயில்பட்டி போலீசார் பேச்சுவார்த்தை நடத்தினர். அப்-போது, 'தாளாளர் மகன் இனி மாணவர்களுக்கு வகுப்பு எடுக்க வளாகத்திற்குள் வர மாட்டார்' என, உறுதியளித்ததை அடுத்து பெற்றோர் கலைந்து சென்றனர்.