குமாரபாளையம் அரசு உதவி பெறும் மேல்நிலைப்பள்ளியை, நிர்வாக காரணத்தால் அடுத்தாண்டு மே மாதத்துடன் மூடப்படும் என, சுற்றறிக்கை ஒட்டியதால், பள்ளி மாணவியர், பெற்றோர் குமாரபாளையம் - சேலம் சாலையில் மறியலில் ஈடுபட்டனர். தகவலறிந்து வந்த போலீசார், வருவாய்த்துறையினர், பொதுமக்களிடம் பேச்சுவார்த்தை நடத்தினர். அப்போது, அதிகாரிகளிடம் பேசி முடிவு காணப்படும் என, தெரிவித்ததால், சாலை மறியலை கைவிட்டு கலைந்து சென்றனர். இதனால் ஒரு மணி நேரம் போக்குவரத்து பாதிக்கப்பட்டது.