மாவட்டத்தில் உள்ள அனைத்து ஒழுங்குமுறை விற்பனை கூடங்களிலும், 'இ.நாம்' என்ற இணைய வழியில் மட்டுமே பண பரிவர்த்தனை மேற்கொள்ள வேண்டும். விவசாயிகளுக்கு, வேளாண் பொருட்களுக்குரிய தொகையை காலம் தாழ்த்தாமல் உடனடியாக விடுவிக்க வேண்டும்.

இடைநின்ற மாணவர்கள், தேர்வில் தோல்வியுற்ற மாணவர்களை கண்டறிந்து, அவர்கள் தொடர்ந்து கல்வி பயில தேவையான ஊக்குவிப்பு நடவடிக்கைகளை மேற்கொள்ள வேண்டும்.

இவ்வாறு அவர் பேசினார்.

தொடர்ந்து, மாவட்ட தாட்கோ திட்டத்தின் மூலம், 34 தொழில் முனைவோருக்கு, 2.54 கோடி ரூபாய் மதிப்பில், சுயதொழில் தொடங்க கடனுதவி வழங்கப்பட்டது. டி.ஆர்.ஓ., சுமன், மாவட்ட ஊரக வளர்ச்சி முகமை திட்ட இயக்குனர் வடிவேல், அரசுத்துறை அலுவலர்கள் உள்பட பலர் பங்கேற்றனர்.