இதையறிந்த மற்ற கட்டளைதாரர்கள், 'எட்டாவதாக ஒருவரை சேர்க்க கூடாது' எனக்கூறி, நேற்று புதன்சந்தை அருகே ஏழுர் பிரிவில் சாலை மறியலில் ஈடுபட்டனர். இதனால், நாமக்கல்-சேலம் தேசிய நெடுஞ்சாலையில், சிறிது நேரம் போக்குவரத்து பாதிக்கப்பட்டது. தகவலறிந்து வந்த புதுச்சத்திரம் இன்ஸ்பெக்டர் கோமதி, சேந்தமங்கலம் இன்ஸ்பெக்டர் கோவிந்தராஜ் ஆகியோர், மறியலில் ஈடுபட்டவர்களிடம் பேச்சுவார்த்தை நடத்தினர்.

அப்போது, 'எட்டாவது கட்டளைதாரராக சேர்க்கப்பட்டவரை நீக்கும் வரை போராட்டம் தொடரும்' என, மறியலில் ஈடுபட்டவர்கள் தெரிவித்தனர். இதையடுத்து, அங்கு வந்த ஹிந்து சமய அறநிலையத்துறை உதவி ஆணையாளர் சாமிநாதன், நைனாமலை கோவில் செயல் அலுவலர் கீர்த்தனா ஆகியோர் பேச்சுவார்த்தை நடத்தினர். அப்போது, 'கோவில் நிர்வாகிகள் சார்பில் மனு கொடுத்தால் நடவடிக்கை எடுக்கப்படும்' என, தெரிவித்ததையடுத்து, மக்கள் மறியலை விட்டு கலைந்து சென்றனர்.