எருமப்பட்டி: எருமப்பட்டி யூனியன், அலங்காநத்தம் பஞ்., அரசு உயர்நிலைப்பள்ளியில் இருந்து புதுக்கோட்டை பஞ்., வெட்டுக்காடு வரை செல்லும், 2 கி.மீ., துார சாலை உள்ளது. இந்த சாலையை விவசாயிகள், பள்ளி மாணவ, மாணவியர் அதிகம் பயன்படுத்தி வருகின்றனர். 15 ஆண்டுகளுக்கு முன் தார்ச்சாலை போடப்பட்டதால், ஜல்லிகள் பெயர்ந்து கரடு முரடாக காணப்பட்டது. இதனால் இந்த சாலையை சீரமைத்து தர வேண்டும் என, அப்பகுதி மக்கள் கோரிக்கை விடுத்து வந்தனர்.