ராசிபுரம்: ராசிபுரம் கடைவீதியில் பிரசித்தி பெற்ற இரட்டை விநாயகர் கோவில் உள்ளது. இந்த கோவிலில் தான் மூலவர்களாக இருக்கும், 2 விநாயகர்கள் ஒரே மாதிரியாக அமர்ந்து பக்தர்களுக்கு அருள் பாலித்து வருகின்றனர். விநாயகர் சதுர்த்தியையொட்டி, கடை வீதியில் அமைந்துள்ள இரட்டை விநாயகருக்கு சிறப்பு பூஜை நடந்தது. நேற்று முன்தினம், இரட்டை விநாயகருக்கு பால், மஞ்சள், பன்னீர், சந்தனம் ஆகியவற்றால் அபிஷேகம் நடந்தது.