பழநி: திண்டுக்கல் மாவட்டம் பழநியில் உள்ள, பால தண்டாயுத-பாணி கோவில் அறங்காவலர் குழு உறுப்பினர்களை நியமிக்க, அண்மையில் தமிழக அரசு அரசாணை வெளியிட்டது. அதன்படி இந்து சமய அறநிலையத்துறை சார்பில், தமிழகத்தை சேர்ந்த, 5 பேர், உறுப்பினர்களாக, கடந்த, 10ல் நியமிக்கப்பட்டனர். அவர்கள் பதவி ஏற்பு விழா, பழநி மலை அடிவாரத்தில் உள்ள, இந்து சமய அறநிலையத்துறை தலைமை அலுவலகத்தில், இணை கமிஷனர் முன்னிலையில், நேற்று முன்தினம் நடந்தது.