தற்போது, கார்த்திகை மாதம் துவங்கியுள்ளதால், ஐயப்பன் கோவிலுக்கு செல்வதற்காக விரதம் மேற்கொள்ளும் பலர், அசைவத்தை கைவிட்டு, சைவத்திற்கு மாறியுள்ளனர். இதனால், நேற்று வழக்கத்தை விட உழவர் சந்தையில் விறுவிறுப்பாக வியாபாரம் நடந்தது. மொத்தம், 182 விவசாயிகள் காய்கறி, பழங்களை விற்பனைக்கு கொண்டு வந்திருந்தனர். மொத்தம், 25,085 கிலோ காய்கறிகள் மற்றும் 5,720 கிலோ பழங்கள், 15 கிலோ பூக்கள் என மொத்தம், 30,820 கிலோ எடையுள்ள விளை பொருட்கள் உழவர் சந்தைக்கு கொண்டுவரப்பட்டு விற்பனை செய்யப்பட்டன. அவற்றை, 6,164 பொதுமக்கள் வாங்கி சென்றனர். அதன் மூலம், 13 லட்சத்து, 36,600 ரூபாய்க்கு விற்பனையானது.