இந்திய தேர்தல் ஆணையத்தின் உத்தரவுப்படி, தமிழகத்தில், 'வாக்காளர் பட்டியல் சிறப்பு தீவிர திருத்தம்--2026' நடவடிக்கைகள் மேற்கொள்ளப்-பட்டு வருகிறது.

இதன் ஒரு பகுதியாக, தமிழகத்தில் உள்ள அனைத்து சட்டசபை தொகுதிகளிலும், கடந்த, 19ல், வரைவு வாக்காளர் பட்டியல் வெளியிடப்-பட்டது.

அதை தொடர்ந்து, நாமக்கல் மாவட்டத்தில், அனைத்து ஓட்டுச்சாவடி மையங்களிலும், நேற்று துவங்கி, இன்றும், வரும், ஜன, 3, 4 ஆகிய, நான்கு நாட்கள், காலை, 9:00 மணிக்கு துவங்கி, மாலை, 5:00 மணி வரை, சிறப்பு முகாம் நடக்கிறது.

நாமக்கல் மாவட்டத்தில், 6 சட்டசபை தொகுத-கிளில் உள்ள, 1,780 ஓட்டுச்சாவடிகளில், சிறப்பு முகாம் நடந்தது. அதில், வரைவு வாக்காளர் பட்-டியலில் பெயர் விடுபட்டுள்ள வாக்காளர்கள், வரும், 2026 ஜன., 1ல், 18 வயது பூர்த்தியடையும் புதிய வாக்காளர்கள் பெயர் சேர்த்தல், நீக்கம், முகவரி திருத்தம் தொடர்பான மனுக்களை வழங்க அறிவறுத்தப்பட்டிருந்தனர்.

அதன்படி, ஓட்டுச்சாவடி மையங்களில், ஏராள-மான புது வாக்காளர்கள் பங்கேற்று, தங்களது பெயர்களை வாக்காளர் பட்டியலில் சேர்க்க விண்ணப்பித்தனர். மேலும், முகவரி மாற்றம் செய்யவும், பலரும் விண்ணப்பித்தனர்.