இதில், துணை பொதுச்செயலாளர் அந்தியூர் செல்வராஜ் எம்.பி., பேசுகையில், ''தமிழகத்தில் அதிகபடியான திட்டங்கள் நிறைவேற்றப்பட்ட மாவட்டமாக நாமக்கல் திகழ்கிறது,'' என்றார். அமைச்சர் மதிவேந்தன் பேசுகையில், ''வரும், 2026 சட்டசபை தேர்தலில், தி.மு.க., வெற்றிபெற்று மீண்டும் ஸ்டாலின் முதல்வராக பொறுப்பேற்பார்,'' என்றார்.

ராஜேஸ்குமார் எம்.பி., பேசுகையில், ''ராசிபுரம் கூட்டுக்குடிநீர் திட்டம், தி.மு.க., ஆட்சியில் தான் நிறைவேற்றப்பட்டது. ஆனால், எதிர்க்கட்சி தலைவர் இ.பி.எஸ்., உண்மைக்கு மாறான தகவல்களை தெரிவித்துள்ளார்,'' என்றார்.

மாநகராட்சி மேயர் கலாநிதி, துணை மேயர் பூபதி, நகர செயலாளர்கள் ராணா ஆனந்த், சிவக்குமார், ஒன்றிய, நகர, டவுன் பஞ்., செயலாளர்கள், சார்பு அணி நிர்வாகிகள் உள்பட பலர் பங்கேற்றனர். முடிவில், ஓரணியில் தமிழ்நாடு உறுதிமொழி ஏற்றனர்.