நாமக்கல் நகரில், ஒரே கல்லில் உருவான, மலையின் கிழக்கு பகுதியில், அரங்கநாயகி தாயார் உடனுரை அரங்கநாதர் கோவில் உள்ளது. மலையை குடைந்து குடைவரை கோவிலாக உருவாக்கப்பட்டு, தொல்பொருள் ஆய்வுத்து-றையின் கட்டுப்பாட்டில் உள்ளது.கி.பி., 7ம் நுாற்றாண்டில், குணசீல அதியன் குல மன்னரால் உருவாக்கப்பட்ட புராண சிறப்பு பெற்-றது. இங்கு, கார்க்கோடகன் என்ற பாம்பின் மீது, அனந்த சயனக்கோலத்தில், அரங்கநாதர் சுவாமி பக்தர்களுக்கு அருள்பாலிக்கிறார். சுவாமி மூலவர் மற்றும் பரிவார தெய்வ சிலைகள் அனைத்தும் மலையை குடைந்து குடைவரை கோவிலாக உருவாக்கப்பட்டுள்ளது சிறப்பு. ஆண்டுதோறும், வைகுண்ட ஏகாதசி அன்று, இக்-கோவிலில், சொர்க்கவாசல் திறக்கப்படும்.

பல கோவில்களில், வைகுண்ட ஏகாதசி நாளில், சுவாமி உற்சவர் சொர்க்கவாசல் வழியாக வந்து பக்தர்களுக்கு அருள்புரிவார். நாமக்கல்லில், சுவாமியின் ஜடாரி மட்டுமே சொர்க்கவாசல் வழியாக எடுத்து வருவது சிறப்பு. அதன்படி, வைகுண்ட ஏகாதசியை முன்னிட்டு, நேற்று அதி-காலை, 4:15 மணிக்கு, கோவில் பட்டாச்சாரி-யார்கள் சொக்கவாசல் கதவுகளுக்கு சிறப்பு பூஜை செய்தனர். தொடர்ந்து, ஆகம விதிப்படி சொர்க்கவாசல் எனும் பரமபாத வாசல் வழியாக, சுவாமியின் ஜடாரி எடுத்து வரப்பட்டு சிறப்பு பூஜை

நடந்தது.

நாமக்கல் கலெக்டர் துர்கா மூர்த்தி, டி.ஆர்.ஓ., சர-வணன், எம்.பி., மாதேஸ்வரன், நாமக்கல் எம்.எல்.ஏ., ராமலிங்கம், எஸ்.பி., விமலா, ஹிந்து சமய அறநிலையத்துறை உதவி ஆணையர் இளையராஜா உள்ளிட்ட முக்கிய பிர-முகர்கள் சுவாமி தரிசனம் செய்தனர்.

இதையடுத்து, சொர்க்கவாசல் வழியாக பக்தர்கள் சென்று, சுவாமி தரிசனம் செய்தனர். கடும் பனி-யிலும், ஆயிரக்கணக்கான பக்தர்கள் நீண்ட வரி-சையில் காத்திருந்து, சுவாமியை தரிசனம் செய்-தனர். பக்தர்களின் கூட்ட நெரிசலை கட்டுப்ப-டுத்த, தடுப்புகள் அமைக்கப்பட்டிருந்தன. ஏற்க-னவே கோவிலில் பொருத்தப்பட்ட, 10 'சிசிடிவி' கேமாரவுடன், மேலும், 10 'சிசிடிவி' கேமராக்கள் பொருத்தப்பட்டு கண்காணிப்பு பணி தீவிரப்படுத்-தப்பட்டது.

அதேபோல், எஸ்.பி., விமலா தலைமையில், 450 போலீசார் பாதுகாப்பு பணியில் ஈடுபடுத்தப்பட்டி-ருந்தனர். மேலும், போக்குவரத்தும் மாற்றப்பட்டி-ருந்தது. ஏற்பாடுகளை, கோவில் அறங்காவலர் குழு தலைவர் நல்லுசாமி, அறங்காவலர்கள் டாக்டர் மல்லிகா, சீனிவாசன், செல்வ சீராளன், ரமேஷ்பாபு உள்ளிட்டோர் செய்திருந்தனர்.

* எலச்சிபாளையம் அடுத்த ஏளூர் கிராமத்தில் உள்ள ஸ்ரீதேவி, பூதேவி சமேத தேசிகநாதர் பெருமாள் கோவிலில், நேற்று அதிகாலை, 4:00 மணிக்கு சொர்க்கவாசல் திறக்கப்பட்டது. அதன் வழியே எழுந்தருளி பக்தர்களுக்கு அருள்பா-லித்தார்.

* சேந்தமங்கலம், லட்சுமி நாராயண பெருமாள் கோவிலில் மூலவருக்கு, 21 வகையான வாசனை திரவியங்கள் கொண்டு அபிஷேகம் செய்து சிறப்பு அலங்காரம் செய்யப்பட்டது. அதி-காலை, 4:30 மணிக்கு, ஸ்ரீதேவி, பூதேவியுடன், பெருமாள் சொர்க்க வாசல் வழியாக எழுந்தருளி பக்தர்களுக்கு அருள்பாலித்தார்.

* வெண்ணந்துார், கல்லாங்குளம் பகுதியில் அமைந்துள்ள அண்ணாமலையார் கோவிலில், வேணுகோபால பெருமாளுக்கு சிறப்பு திருமஞ்-சன சேவை நடந்தது. தொடர்ந்து, துளசி மாலை அணிவித்து, சொர்க்கவாசல் திறக்கப்பட்டது.

* ராசிபுரம் அடுத்துள்ள சிங்களாந்தபுரத்தில், ஸ்ரீதேவி பூதேவி சமேத ஸ்ரீகற்பூர நாராயண பெருமாள் திருக்கோவில் அமைந்துள்ளது. அதி-காலை, 5:00 மணிக்கு சொர்க்கவாசல் திறப்பு நிகழ்ச்சி நடந்தது. பக்தர்கள் நீண்ட வரிசையில் காத்திருந்து சுவாமி தரிசனம் செய்தனர்.

* பள்ளிப்பாளையம் அருகே, தாஜ்நகர் பகுதியில் உள்ள கொங்கு திருப்பதி கோவிலில், நேற்று வைகுண்ட ஏகாதசி விழா முன்னிட்டு, அதி-காலை 4:00 மணிக்கு சொக்கவாசல் திறக்கப்பட்-டது.

* மல்லசமுத்திரம் அருகே, காளிப்பட்டியில் சென்றாயபெருமாள் கோவிலில், அதிகாலை, 4:00 மணிக்கு, சொர்க்கவாசல் திறப்பு நிகழ்ச்சி நடந்தது. பக்தர்களுக்கு அன்னதானம், லட்டு பிர-சாதம்

வழங்கப்பட்டது.