தேய்பிறை அஷ்டமி வழிபாடு

மல்லசமுத்திரம், நவ. 24-

கார்த்திகை மாத தேய்பிறை அஷ்டமியையொட்டி, நேற்று, மல்லசமுத்திரம் அருகே, மோர்பாளையத்தில் உள்ள பைரவநாதமூர்த்தி கோவிலில், மதியம், 12:00 மணிக்கு சிறப்பு யாகம், பூஜை நடந்தது.

கடன் பிரச்னை, குடும்ப பிரச்னை தீர, பக்தர்கள் வெண்பூசணியில் தீபமேற்றி வழிபட்டனர். பலவகையான வண்ணமலர்களால் அலங்காரம் செய்யப்பட்டு மூலவர் அருள்பாலித்தார். பக்தர்களுக்கு பிரசாதம், அன்னதானம் வழங்கப்பட்டது. ஏராளமான பக்தர்கள் சுவாமி தரிசனம் செய்தனர்.