நாமக்கல் மாவட்டம், பள்ளிப்பாளையத்தில் இ.ஆர்., தியேட்டர், ராமசாமி தெரு, ஆர்.எஸ்., சாலை பகுதிகளில் ஏராளமானோர் வசித்து வருகின்றனர். இப்பகுதியில் விதிமீறி செயல்படும் சாய ஆலைகளில் இருந்து சுத்திகரிக்காமல் வெளியேற்றும் சாயக்க-ழிவால் நிலத்தடி நீர்மட்டம் கடுமையாக பாதிக்கப்பட்டுள்ளது. கடந்த, 10 நாட்களுக்கு மேலாக சிவப்பு, ரோஸ், ஆரஞ்சு நிறத்தில் குழாயில் இருந்து தண்ணீர் வருகிறது. இ.ஆர்., தியேட்டர் பகுதியில் உள்ள ஒரு வீட்டின் கிணற்றில், சாயக்கழி-வுநீர் ஊற்றெடுத்து வருகிறது.குமாரபாளையம் மாசு கட்டுப்பாட்டுவாரிய அதிகாரிகள், கடந்த, 10 நாளில், 4 முறை நீரை ஆய்வுக்கு எடுத்து சென்றனர். கிணற்று நீரை முழுவதுமாக வெளியேற்றிய பின்பும், மீண்டும் சாயக்க-ழிவுநீர் ஊற்றெடுக்கிறது. ஆனால், எந்த சாய ஆலைகள் மீதும் இதுவரை நடவடிக்கை எடுக்கவில்லை. இந்நிலையில், நேற்று மாலை, மாவட்ட கலெக்டர் உமா, சாயக்கழிவுநீர் கலந்த கிணற்றை ஆய்வு செய்தார்.

இதுகுறித்து, பாதிக்கப்பட்ட தேவாங்கபுரத்தை சேர்ந்த ஆறுமுகம் கூறியதாவது: இப்பகுதியில் செயல்படும் சாய ஆலைகள், டம்மி-யான ஆழ்துளை கிணறு அமைத்து அதில் சாயக்கழிவுநீரை திறந்து விடுகின்றனர். இதனால் நிலத்தடி நீரில், சாயக்கழிவு கலந்-துள்ளது. பாதிக்கப்பட்ட நிலத்தடி நீரை பார்த்தாலே, சாயக்கழி-வுநீர் கலந்திருப்பது தெரிந்து விடும். சம்பந்தப்பட்ட சாய ஆலைகள் மீது நடவடிக்கை எடுத்திருக்கலாம். ஆனால் அதிகா-ரிகள் நடவடிக்கை எடுக்காமல், தொடர்ந்து ஆய்வு மட்டுமே செய்து வருகின்றனர். நாளுக்கு நாள் சாயக்கழிவுநீர் பாதிப்பு அதி-கரித்து வருகிறது. எனவே, நிலத்தடி நீரை பாதுகாக்க, மாவட்ட கலெக்டர் உரிய நடவடிக்கை எடுக்க வேண்டும்.

இவ்வாறு கூறினார்.