இந்நிலையில், நேற்று மக்கள் வாழ்வாதார பாதுகாப்பு இயக்க தலைவர் சிபி தலைமையில் சேரம்பாடி பஜாரில், கருப்பு உடை மற்றும் கொடிகளுடன் ஊர்வலம் மற்றும் ஆர்ப்பாட்டம் நடந்தது. செயலாளர் பழனி வரவேற்றார்.

முதன்மை ஒருங்கிணைப்பாளர் ரவி, ஒருங்கிணைப்பாளர் மகாவிஷ்ணு முன்னிலை வகித்தனர்.

தொடர்ந்து நடந்த விளக்க கூட்டத்தில், 'வனவிலங்குகள் பிரச்னையை கட்டுப்படுத்த வலியுறுத்தி, வனத்துறை அதிகாரிகளை சந்திக்க சென்றால் அலட்சியப்படுத்தி வருவதாகவும், இதே நிலை தொடர்ந்தால் தொடர் போராட்டங்களில் ஈடுபடுவோம்,' என, வலியுறுத்தப்பட்டது.

சேரங்கோடு ஊராட்சி மன்ற தலைவர் லில்லி, நிர்வாகி சந்திரசேகர் மற்றும் அனைத்து அரசியல் கட்சி, பொதுநல அமைப்புகள், வியாபாரிகள் மற்றும் ஓட்டுனர் சங்க நிர்வாகிகள் உள்ளிட்ட ஆயிரத்திற்கும் மேற்பட்ட பொதுமக்கள் பங்கேற்றனர்.