குன்னுார் தேயிலை ஏல மையம் மற்றும் 'இன்கோ சர்வ்' மையத்தில் வாரந்தோறும் தேயிலை துாள் ஏலம் விடப்படுகிறது. தேயிலை துாளுக்கு கிடைக்கும் விலையின் அடிப்படையில், மாதந்தோறும் பசுந்தேயிலைக்கு விலை நிர்ணயம் செய்யப்படுகிறது.

இதன்படி, நீலகிரியில் சிறு தேயிலை தொழிற்சாலைகளில் உற்பத்தியாகும் தேயிலை துாளின், ஜூலை மாத ஏலத்தின் அடிப்படையில், பசுந்தேயிலைக்கான விலையை குன்னுாரில் உள்ள இந்திய தேயிலை வாரியம் நிர்ணயம் செய்கிறது.

இதன் அடிப்படையில், 'ஜூலை மாதத்திற்கான பசுந்தேயிலை, கிலோ, 16.85 ரூபாய்,' என விலை நிர்ணயம் செய்யப்பட்டுள்ளது.