லோக்சபா தேர்தல் வரும், 19ல் துவங்கி, நாடு முழுவதும், ஏழு கட்டங்களாக நடைபெறுகிறது. தேர்தல் நன்னடத்தை விதிமுறை அமலில் உள்ளது. தேர்தல் நேரத்தில் வாக்களர்களுக்கு கொடுப்பதற்காக, பணம் மற்றும் பரிசுப் பொருட்கள் கொண்டு செல்வதை தடுக்க, பறக்கும் படை அமைக்கப்பட்டுள்ளது.

அதன்படி, மாவட்டத்தில், ஊட்டி, கூடலுார் மற்றும் குன்னுார் தொகுதிகளுக்கு பறக்கும்படை அதிகாரிகள் நியமிக்கப்பட்டு, வீடியோ பதிவுடன் கண்காணிக்கப்பட்டு வருகிறது.

'ஊட்டி தொகுதியில், 2.79 லட்சம் ரூபாய், கூடலுார் தொகுதியில் அதிகபட்சமாக, 42.24 லட்சம் ரூபாய் மற்றும் குன்னுார் தொகுதியில், 4.30 லட்சம் ரூபாய்,' என, மாவட்டத்தில், இதுவரை, 49.33 லட்சம் ரூபாய், 20ம் தேதி வரை பறிமுதல் செய்யப்பட்டுள்ளது.