கோத்தகிரி: கோத்தகிரி நகராட்சியில், அனைத்து வீடுகளுக்கு தண்ணீர் வினியோகிக்க ஏதுவாக, சாலை ஓரத்தில் குழாய் பதிப்பதற்காக, சில மாதங்களுக்கு முன்பு, குழிகள் தோண்டப்பட்டன. பணிகள் நிறைவடைந்த நிலையில், குழிகள் மூடப்படாமல் உள்ளது. குறிப்பாக, நகராட்சி அலுவலகம் - மார்க்கெட் இடையே, நடைப் பாதையில் நாள்தோறும், மூன்று பள்ளிகளை சேர்ந்த, நூற்றுக்கணக்கான மாணவர்கள் நடந்து செல்கின்றனர். இங்கு, தோண்டப்பட்ட குழிகள் மூடப்படாததால், சாலையில் சென்று வர வேண்டிய நிலை உள்ளது.