நீலகிரி மாவட்டத்தில் கனமழையின் காரணமாக,மேட்டுப்பாளையம்-குன்னுார் மலை ரயில் பாதையில் கல்லார் அருகே மண் சரிவு ஏற்பட்டது. இதனால், மேட்டுப்பாளையம் - ஊட்டி மலை ரயில் நேற்றும், இன்றும் ரத்து செய்யப்பட்டது. இந்நிலையில் நேற்று கேத்தி, லவ்டேல் பகுதிகளில் மூன்று இடங்களில் பாறை கற்கள் தண்டவாளத்தில் விழுந்தன. இதனால், ஊட்டி - குன்னூர் இடையே மலை ரயில் தற்காலிகமாக ரத்து செய்யப்பட்டது.

பொக்லைன் வரவழைத்து ரயில்வே பொது பணித்துறை ஊழியர்கள் பாறைகளை உடைத்து அகற்றும் பணியில் ஈடுபட்டனர். பணிகள் நிறைவு பெறாததால் மற்ற ரயில்கள் இயக்கப்படவில்லை.