நடப்பாண்டும், 100க்கும் மேற்பட்ட தற்காலிக கடைகள், கொளப்பள்ளி பஜாரில் அமைக்கப்பட்டது. ஒரு சில நாட்கள் போதிய அளவு வியாபாரம் இல்லாமல் வியாபாரிகள் பாதிக்கப்பட்ட நிலையில், 'டான்டீ' தோட்ட தொழிலாளர்களுக்கு போனஸ் வழங்கியது மற்றும் இறுதி நாள் பர்ச்சேஸ் என நேற்று முன்தினம் மாலை முதல் ஆயிரக்கணக்கான மக்கள் இந்த பகுதியில் ஜவுளி ரகங்களை எடுக்க கூடினர்.

மக்கள் கூட்டம் அதிகரித்ததால் கொளப்பள்ளி முதல் அய்யன்கொல்லி செல்லும் சாலையில், வாகன போக்குவரத்திற்கு தடை விதிக்கப்பட்டது.

மேலும், போலீஸ் இன்ஸ்பெக்டர் செல்வகுமாரி தலைமையில் போலீசார் பாதுகாப்பு பணியில் ஈடுபட்டனர். நள்ளிரவு, 12:30 மணி வரை வியாபாரம் நடைபெற்றதால் சேரம்பாடி வனத்துறையினரும், பொதுமக்கள் மற்றும் வியாபாரிகளுக்கு பாதுகாப்பு கொடுத்தனர். இதே போல், பந்தலுார் பஜார் பகுதியிலும் வெளியூர் வியாபாரிகள் தற்காலிக கடை அமைத்து, வியாபாரத்தில் ஈடுபட்டனர்.