முன்னாள் முதல்வர் அண்ணாதுரையின் பிறந்தநாள் விழாவை முன்னிட்டு, பள்ளி மாணவ, மாணவியருக்கான சைக்கிள் போட்டி, ஊட்டி எச்.ஏ.டி.பி., மைதானத்தில் வரும் 15ம் தேதி காலை 8.30 மணிக்கு துவங்குகிறது. 13, 15, 17 வயதுக்கு உட்பட்ட மாணவ, மாணவியருக்கு 6 பிரிவுகளில் நடத்தப்படுகிறது. ஒவ்வொரு பிரிவிலும் முதல் மூன்று இடம் பெறுபவர்களுக்கு ரொக்கமும், முதல் 10 இடங்களை பெறுபவர்களுக்கு தகுதி சான்றிதழ்கள் வழங்கப்படும். ஒவ்வொரு பிரிவிலும் முதல் 2 இடத்தை பெறுபவர்கள் மண்டல போட்டிக்கு தேர்வு பெறுவர். மண்டல போட்டியில் முதல் 4 இடங்களை பெறுபவர் மாநில போட்டிக்கு தகுதி பெறுவர். 'போட்டியில் பங்கேற்பவர்கள், இந்தியாவில் தயாரான சைக்கிளை மட்டுமே பயன்படுத்த வேண்டும்; எதிர்பாராத விபத்துகளுக்கும், தனிப்பட்ட பொது இழப்புகளுக்கும் மாணவ, மாணவியரே பொறுப்பு ஏற்க வேண்டும்,' என மாவட்ட விளையாட்டு அலுவலர் சிவசங்கரன் தெரிவித்துள்ளார்.