ஊட்டி : 'அடகு கடை உரிமையாளர்கள் தங்களது உடமைகளை பாதுகாக்க அனைத்து ஏற்பாடுகளையும் செய்துகொள்ள வேண்டும்,' என கூடுதல் எஸ்.பி., அறிவுருத்தி உள்ளார்.திருப்பூரில் உள்ள தனியார் நிதி நிறுவனத்திலிருந்து சமீபத்தில் தங்க நகைகள் கொள்ளையடிக்கப்பட்டன. பின்னர் குற்றவாளிகள் கைது செய்யப்பட்டனர். இந்நிலையில், அனைத்து நகை மற்றும் அடகு கடைகளில் பாதுகாப்பு ஏற்பாடுகளை கடை உரிமையாளர்கள் செய்ய வேண்டும் என போலீசார் அறிவுறுத்தி வருகின்றனர். நீலகிரி போலீஸ் சார்பில், அடகு மற்றும் நகை கடை உரிமையாளர்களுக்கான ஆலோசனை கூட்டம் ஊட்டி சிறுவர் மன்றத்தில் நடந்தது. இந்த கூட்டத்தில் கூடுதல் எஸ்.பி., காசிவிஸ்வநாதன் பேசியதாவது:சமீபத்தில் சமவெளி பகுதியில் உள்ள ஒரு தனியார் நிதி நிறுவனத்தில் பல லட்சம் ரூபாய் மதிப்பிலான தங்க நகைகள் கொள்ளையடிக்கப்பட்டன. அந்த நிறுவனத்தில் சி.சி.டி.வி., காமிராக்கள் பொறுத்தப்படாததால் கொள்ளையர்களை பிடிப்பதில் பெரும் பின்னடைவு ஏற்பட்டது.